الشرطه فى خدمه الشعب ( قانون ساكسونيا )

[farisel7ob]

الشرطه فى خدمه الشعب ( قانون ساكسونيا )

يا جدعان الحوقنى
انا تعبان وبرضوا مش رحمنى

حد يتكلم حد يقول اى حاجه انا خلاص جسمى اتكسر وعقلى طار منى

يا جدعان اتكلموا بلاش الجبن دا علوا صوتك خلونا صوت واحد بلاش كل واحد يتكلم مع نفسه بلاش كل واحد يقول يلا نفسى

اعذرونى انى بكتب بالعاميه بس الموضوع دا مينفعش بيه غير كدا علشان نحسه اكتر علشان الكل يفهم اكتر

اكيد ممكن ناس تكون فهمت انا بتكلم على ايه واعذرونى قد يخرج منى بعض الكلمات التى تغضب البعض

انا النهارده كنت على جروب كلنا خالد سعيد بجد قلبى حسيت انه بيبكى جامد على اللى بيحصل دا






اقولكم حاجه ممكن محدش يعرفها هنا غير ناس قليله انا حصلى نفس الموضوع دا من الشرطه قبل كدا فى مركز اسمه بركه السبع اتخانقت مع ملازم علشان شتمنى بولدتى وضربته واضربت من المخبرين اللى كانوا معاه ومكنتش وقتها غلطان هو شمتنى شتيمه قولت ليه طيب متشتمش لقيته شتمنى بولدتى روحت ضربته وكان الملازم عايز يعمل ليه قضيه حشيش او قضيه سلاح عافيه بلطجه ولا تقدر تتكلم هناك

لولا ستر ربنا ان كان فى المركز وقتها عميد جرنا فى الشغل وطلعنى فى وقتها

طيب لو انا مكنش ليه وقتها حد اعرفه يا ترى كان هيتعمل فيه ايه يا ترى كنت هتسجن ولا هطلع برائه يا ترى كنت هكون مظلوم ولا هكون ايه؟

يا جدعان احنا كل يوم بتنداس على كرمتنا واحنا نايمين فى العسل

اليشخ الشعراوى قال كلمه عجبتنى اوى قبل ما يموت

(وشعب آسف ان يكون سلبيا )

فعلا احنا سلبيين اى حاجه تحصل يا عم اسكت الحيطان ليها ويدان او احنا ملنا ادام بعيد عن بتنا خلاص
يا جدعان هى مصر دى مش بتكم الخراب اللى بيحصل فيها دا مش بيضرنا؟؟

ممكن انت اللى تكون هتضرب المره الجايه

لاء واللى بقى يضايق ممكن تلاقى غفير بيفرض نفسه عليك بقى ويعمل فيك ويطلع عينك وعين ...........

طيب فين العدل فين الحريه فين الديمقراطيه فين وفين حرام بجد

لاء والكلمه بقى اللى تحرق الدم

( الشرطه فى خدمه الشعب )






كان لى استاذ افتخر انه فى يوم قد علمنى كيف اكتب حرف وكيف انطق كلمه كان يقول لى كلمه الى هذا الوقت هى فى عقلى لن انساها عندما نفعل شىء يغضب الله او شىء خاطأ
(لو لم يكن حراما لقولت لك .......)
لاء فعلا فى خدمه الشعب
بجد اقول ايه هى مين اللى فى خدمه الشعب دى
المفروض دلوقتى تبقى

( الشعب فى خدمه الشرطه )

دلوقتى اول ما الناس تتخرج من كليه الشرطه تلاقي الواحد فيهم شم نفسه على الناس بقيت ظابط بقى محدش يقدر يفتح بوقه باى كلمه خلاص اللى هيكلمنا هضربه بال ........

وتلاقيه بقى بلطجى على الناس وهعمل وهسوى

طيب ليه ليييييييييييييه ؟؟؟؟؟؟؟؟؟؟

على فكره فى ايدينا نغير كتير لو كلنا اتكلمنا بصوت واحد لو كلنا قولت لاء مره واحده ومع بعض مش كل واحد لوحده

لو كل واحد لوحده هنضرب وهنتبهدل وهتتهان كرمتنا اكتر ما هى متهانه

انما لو مع بعض بجد محدش هيقدر علينا

طيب اقولكم على حاجه تانيه علشان اعرفكم الادراه بتاعتنا بسم الله بتحافظ على شعبها وعايزاهم على طول يكونوا مبسوطين

الارز سعره اترفع والسكر وكل الاكل واللحمه بقت ب80 جينيه فى مصر يا لهوى على كدا كل بيت يشترى كيلوا يفضل يشمه طول الشهر ما هو مش هيقدر يعمل اكتر من كدا بجد

طيب هقولكم على حاجه عرفتها قريب اوى اللحمه اللى بتيجى من السودان اللى هى افضل لحمه بتدخل مصر مين اللى بيدخها طبعا اول حاجه الاداره اللى بتحمينا وبتحافظ علينا بتاخدها

طيب هقولكم على مصلحه كمان حبت تعمل واجب جامد مع مصنع لحوم اللى هو بيساهم ب 30% من انتاج اللحوم فى مصر مصلحه الضرايب عايزه تعلى السعر جامد على المصنع والحمدلله لان المصنع كويس قال خلاص انا هنقل نشاطى فى سوريا ادام فى نصب وسرقه هنا جامد جدا بدل ما نساعد المصنع عايزين كمان نسرقه

طيب لحد امته احنا عارفين كل دا وسكتين يا جدعان لو موظف بياخد فى الشهر 500 جينيه ومتجوز ومعاه ولد وبنت هيعيش ازاى مع غلوا الاسعار دى

هسئلكم سؤال مضحك اوى الجينيه السودانى بقى بكام دلوقتى؟


انا بجد دامغى هتفرقع لحد امته هنفضل كدا نخرج ونتمشى وخلاص ونقول يا عم كبر يا عم نفض عايزين نتكلم عايزين نقول اى حاجه عايزين كلنا بصوت واحد

نقول

للظلم لاء ايوه لاء والف لاء احنا بشر من لحم ودم مش حيوانات بتمشوها زى ما انتوا عايزين شمال شمال يمين يمين

انا عارف انى طولت عليكم وان طريقتى فى الكلام مش كويسه
بس بجد انا واحد من الناس فاض بيه برغم انى لسه سنى مش كبير ما بالك بقى الناس الكبيره تعمل ايه
حرررررررررررررررررررام بجد السكوت اللى احنا فيه دا

احب اقول كلمه اخيره انا متأكد ان فى ناس كتيره هتدخل الموضوع هنا وهتخاف ترد كمان
وفى ناس ممكن ...... الموضوع بس لازم نتكلم بصوت عالى لازم كلنا نتكلم ونواجه الحقيقه المره الى احنا عايشين فيها

انا مش عارف اتكلم ازاى او انظم كلامى ازاى بجد كل الدنيا داخله فى بعضها من اللى بشوفه وبسمعه
مستنى رد الجميع وياريت الاقى ردود بجد يكون فيها ايجابيه وليس سلبيه

المصدر: منتدي الاصدقاء - من قسم: منتدى الحوار والنقاش الجاد

---

hgav'i tn o]li hgauf ( rhk,k sh;s,kdh )

[AbO3Li]

ما انت لو سمعت كلامي طول السنة وجيت قعدت معايا شوية في مدينة نصر جنب القسم ع طول

كنت عرفت يعني ايه مبني رابطة أبناء المنوفية

والله بنظبطهم لما يغلطوا في أي حد مننا
وياسلام لو واحد من المبني دخل القسم مش بمزاجه

الطريق بيتقفل والعساكر بتضرب وعربيات الظباط بتسافر



المهم أنا الحمد لله مش بشارك في دا كله هههههههه
بس هي القوة والبلطجة ملهاش غير علاج واحد بلطجة أكبر منها


سوري لو بعدت عن الموضوع

[E7sasgdid]

يسلام
علي رأي عادل امام يعني لو قطر واحد اتحرق نشيل كل المسئولين ما في رحلات كتير حصلت بنجاح !!!

نعم عن ماذا تتحدث حضرتك ! من مين ها اسمه ايه اااااااااااااه خالد السعيد !! في البدايه احب ان اقولك حاجه

ماذا تعرف عن خالد السعيد !!! الشرطه قالت انه مسجل خطر وي وي وي وي و كلام كتير اولا لا احد يعترض علي كون خالد السعيد لم يكن مستقيما ويصلي كما يظن البعض
ايضا اتضح من تقرير الجيش ان خالد السعيد ادي الخدمة العسكريه وتم فصله منها هل تعرف لماذا لتعاطيه الحشيش !!! نعم انها حقيقه
ان لم تكن مصدق فلك هذا التقرير

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

اخي الشرطه قد اقول لك انها قد تزور اما الجيش لا وخاصه ان الشهاده موجوده لدي اسرة خالد بدرجة سئ بالفعل يعني محدش يقدر ينكر دا


تحب تسمع مني انا مثال

لو افترضنا ان في واحد بيتعاطي مخدرات و اختك او والدتك ماشين في الشارع وهو محتاج فلوس علشان يجيب اللي يشربه هيعمل ايه اكيد هتلاقيه فاتح حاجه ع اخواتك وطلع اسلوب بلطجه
انت ترضي ان اختك يحصلها موقف زي دا ؟؟؟ اكيد لأ

اذا انا مع الشرطه في تأديب المتعاطي وحتي بالضرب لانه خطر علي الجميع بالفعل


اخي لا ادافع عن خالد ولا ادافع عن الشرطه ولكني اتكلم من منطق الحقيقه ب اتجاه خالد السعيد خاصه فهو ليس شهيد كما يقول الجميع كيف له ان يكون شهيد ؟!

ايضا ربنا يرحمه ولكن لنعرف الحقيقه اكثر " مش كل حاجه نسمعها نقول الحكومه كذابه " " الجيش مش حكومه "



اذهب الي الفصل التاني


دعني ادافع عن الشرطه بعض الشئ " الشرطي هذا هو اخوك ايضا " مش حد غريب عليك

الشرطه لما تضرب واحد ظلم يبقي الشرطه كلها ظالمه ولما الشرطه تيجي تحميك وتعيد اللي اتسرق منك تقول دا واجبها وتعملها ورجليها فوق رقبتها !!!

ليه النظره دي يا شباب بجد حاجه غريبه جدا

ايوة فعلا السيئه بتعم بس لو انت عارف ان مصر فيها حراميه كباررر يبقي بقي نسيب العالم يقول علينا دولة الحراميه مش دولة فيها ناس طيبين وشعب كويس واتذكرت ف القران

اخي هناك امثله جيده كما ان هناك امثله سيئه اليوم في وهذه الاوقات تتقسم اراء الشعب علي الشرطه بانهم " تصوير لهم بالكلاب " ونحن مقبلين علي مرحله خطره في تاريخ مصر وهي الانتخابات الرئاسيه والتي انشق اراء الشارع المصري ووعي جيدا وهناك انقسامات كثيره عن من يريد ان يبقي مع الحكومه او يكون ضدها " يا بختك يا امريكا تعاليلنا بالصدفه طلع احنا اللي علينا الدور مش حد تاني "

لست معك ضد الشرطه ولست مع الشرطه ضد الشعب ولكني كما اقول ان اخي جيد اقول لك ان هناك اخوات يتعاطون واخوات يسرقون و و و و تنظر الي الشعب ولهم الحق ان يسرقوا وان ينهبوا وان و ان وللشرطه فلا لانهم ليسوا بشرا " المفروض لما يقعدوا بالسنين قدام مجرمين وحراميه يكون تصرفاتهم عاقله مع الشعب كيف تعقل !! "

[seela]

بوص يا فارس الحياه اصلا مبقاش فيها اللى يتخاف عليه علشان نكون جبناء من حاجه كل حاجه انا وغيرى بنحلم بيها بتضيع مننا
وكل حاجه حلوة نفسنا نعيشها بتروح برضو مننه وانا لو هاتكلم عن اللى انت كتبته مش هاقول اكتر من ان دى باقت فتونه
الحكومه باقت بتمشى شعبها بالعصايه
هههههههههههه
بجد الحكومه دى عايزة سقفه كبيره اوى اوى
انا فمره دخلت القسم علشان اعمل محضر لان بطاقتى ضاعت لاقيت شويه...... عمالين يهظرو مع بعض وحاجه اخر .........
كأنى مش داخله قسم شرطه
وفوق كل ده وده لاقيت رد سخيف من ضابط امن سخيف يقولى خير
اقوله عايزة لو سمحت اعمل محضر
يقولى بخصوص
اقوله انا بطاقتى ضاعت
يقولى الف سلامه
قولتله الله يسلمك لاقيته برقلى بعنيه كأنه هايلبسنى تهمه علشان رديت عليه كده امال لو قولتله لما اشوف البطاقه هاسلملك عليها كان عملى ايه
يا فارس انا وانت وغيرنا وغيرنا من الشباب اللى نفسهم البلد دى تكون كويسه هاتكون صدقنى هاتكون وهاتكون فى احسن حالاتها
بس امتى؟؟؟؟؟؟
لاما الحكومه تمشى
بس تفتكر الحكومه هنا بأه هى اللى هاتمشى
ولا هاتمشينا احنا بالعصايه
لاما علشان بأه الشعب يكون مع الشرطه الشعب هو اللى يتغير
يككفى انك حتى لما تدخل الجامعه يقولو النقاب مرفوض والبنطلون الجينز الضيق مش مرفوض؟؟؟؟؟؟؟ والنص كم والكات مش مرفوووووض؟؟؟؟؟؟؟؟؟؟؟؟؟؟؟
اقول ايه ولا ايه
فين الشفافيه فى الانتخابات والشرطه فى خدمة الشعب زى ماحنا بنسمع وفين الحكومه والناس اللى ساكنه فى العشوائيات
فين الناس اللى بتنام من غير غدا مش عشا بأه هنا فين الناس اللى مالهومش بيوت ولا مكان يسكنو فيه
فين الاطفال اللى من صغرهم يتربو فى الشوارع واللى يخليك تيكى بدل الدموع دم لو اتكلمت مع طفل فيهم ولاقيت دماغه كويسه
وينفع يفيد بلده فحاجه
وهو مدفون بقذارة الشوارع
فى حين انك تلاقى ناس عايشه فى قصور وعندها بدل العربيه عشره ومش عارفين يودو الفلوس فين والحياه بالنسالهم جمييييييييييله
وكل حاجه مش موجوده لا معلش انا كده ظلمتهم ممكن يكون ابن الباشا بيعيط علشان عايز عربيه وهو لسه ماطلعش من البيضه
واكيد كل واحد فى دول عنده ضهر يحميه وينضف وراه
وياااا على غسيل الامواااااااااااااااال
انا خلاص بجد
شويه كده وهابقى اتكلم تانى بس مش دلوقتى يلا سلام

[farisel7ob]

شكرا محمد جدا على ردك واتمنى ان اجد رد مقسر على كلامى ؟


ــــــــــــــــــــــــــــ

احساس

اولا شكرا على ردك
انا فى كلامى مش بتكلم عن خالد سعيد بس هو انت تقريبا شوفت كلمه خالد سعيد فرديت على الموضوع على انه خالد سعيد !!!!

انا بتكلم عن كل حاجه اقولك حاجه انا لحد دلوقتى مشوفتش فى حياتى ظابط شرطه محترم فى وقت شغله انما قدام بيته واسرته بيكون فى قمه الاحترام

وعلى فكره انا حصلى نفس اللى حصل وضربت واضربت وانا كنت فى 3 ثانوى ولو مكنتش اعرف حد هناك كان زمانى مسجون فى قضيه حشيش برغم انى كنت وقتها بدوخ من دوخان السجائر

انا بتكلم عن الظلم اللى فى البلد كله عن البلطجه اللى بنشوفها من الشرطه وعن الظلم اللى بيحصل من كل وزير يغير وقت ما يحب ووقت ما هو عايز وعن واحد عايز يغير فى الدستور تانى وعايز يمسك الرئاسه تانى وعن بلد كل يوم بتتباع وعن شعب كل يوم بيتهان

عارف ايه اكتر حاجه تضايق ان لما تكون عارف ان اللى قدامك عارف ومتأكد من صحه كلامك بس للاسف بيرد رد متناقض جدا

انت عارف ان الشرطه وخداها بلطجه وحصل قدام عيونك قبل كدا وشوفت وسمعت ومش على خالد بس على اكتر من واحد اقولك على حاجه اكتر وحصل على ناس تانيه من عيلى ومن عيلتك برضوا وكان ظلم وبلطجه وقتها من الشرطه ولولا اننا نعرف ناس اعلى من اللى عملوا كدا كانوا راحوا فيها
طيب الناس اللى مش تعرف حد خالص تاخد على قفاها بقى ولا ايه ؟

[farisel7ob]

seela

انا عجبنى صراحه
واتمنى ان يشاهد ردك احساس اللى بيقول ان الشرطه بتخدمنا

اقولك على حاجه روح اعمل محضر وشوف ايه اللى هيحصل اه لو حاجه اتسرقت هترجع ليك بعون الله بس شوف انت هتتعامل ازاى علشان يرجع ليك حقك

بجد حاجه تخنق نفسى الاقى الكل بيتكلم اقولكم على حاجه اقسم بالله نفسى كل شباب مصر من كل المحافظات تتجمع فى مكان واحد ونطلع مره واحده على مقر الرئاسه ونطلب بحقنا نقول فين حقنا

فين العدل فين الحريه

ازاى احنا لحد دلوقتى مديونين وعندنا اكتر من كام حاجه بدخل مليارات فى اليوم ممكن تسدد ديون مصر فى لحظات
فين فلوس البلد
بتتشطروا ليه على الناس الغلابه والناس اللى معاها فلوس تسبوها تاكل البلد
لو واحد عادى بنى بيت فى قلب ارض يتهد تانى يوم
ولو واحد مسنود بنى عمارات فى قلب اراضى زراعيه تسبوه عادى
فين وفين وفين حرام الظلم اللى احنا فيه دا

دلوقتى رغيف العيش بقى متحدد ليك عدده فى اليوم الاسره 15 رغيف طول اليوم هيعملوا ايه دا والنبى فى فطار وغداء وعشاء عرفونى

يا جدعان الناس خلاص بقت مش طايقه نفسها الناس خلاص هتولع وبرضوا الكل ساكت طيب لحد امته وامته هنتكلم عرفونى

[Love legend]

يا عم فارس انت واجع دماغك بحاجة كلنا عرفاينها
ان الحكومة فى بلدنا هى البلطجية ذات نفسهم
تعالى انزل قسم شبرا واوريك اللى بيحصل فية يا فارس
يا عم فى اكتر من ان الظباط هما اللى بيبيعوا الحشيش وكل الممنوعات
انت جاى على وتر مقطوع يا فارس وهو الشرطة

كانوا زمان شرطة دلوقتى بيستفيدوا من ان الواحد فيهم يبقى ظابط وياخد م ن الناس فلوس
ولو مدفعوش ارمى يا عم فى السجن
دول بقوا بلطجية
انا عارف انهم مش كلهم كدة لكن السيئة تعم والحسنة تخص
كل واحد يقولك انا ادفع 50 الف جنية واخش شرطة
واخدهم تانى لما ابقى ظابط
وكل دة على مين
على الشعب المسكين
معلشى طولت عليكم اوى بس هو دة رأى
البلد دلوقتى بتاعت الحكومة وكل صوت يحاول يطلع بيخرسوة
فين واحد زى مصطفى كامل
زى سعد زغلول
طبعا مفيش لأننا فى بلد بتاعت الحكومة

[E7sasgdid]

ع فكره متلمحشي وتقول وحصل في عائلتي واستعنا بحد واسطه زي ما انت بتقول عمرها ما حصلت و الحمد لله

ارجع تاني انا مكلمتش عن نقطه خالد السعيد انا بفسرلك الاول كلمة خالد اللي انت ضفتها انها كلمه توحي انك مقتنع باللي خالد كان فيه ودا غلط

ثانيا انا رديت ع موضوعك في الجزء التاني اما كلماتك برضو مش رد علي تعليقي انت علقت لمجرد التعليق وليس تعليق جيد ع كلامي

[نور الاسلام]

عندك حق والله
ده اذا كان رئيس الحكومه (احمد نظيف) قال رد على غلو اسعار اللحمه اللى مش عجبه مش لازم ياكل لحمه ياكل اى حاجه يعنى مش لازم لحمه
ياسلام يعنى هو ياكل جمبرى والشعب يعينى مش لاقى
ده غير الجرائم اللى بتحصل كل يوم طب فين الحكومه وبعدين بقى مهما قلنا مفيش وصف للى بيحصل
انا مش عرفه ايه لزمه الحكومه والرئيس بتاعنا ده قاعد يعمل ايه
لو كان مش عارف يحكمها يسبها لحد ثانى

[farisel7ob]

Love legend

شكرا على ردك يا كريم وبجد انا مش عارف اقولك ايه انا بيحصل قدام عيونى كتير من الحاجات دى

ــــــــــــــــــــــــــــــــ

احساس

انا لما قولت واستعدينا انا عارف انا قولت ايه ومتأكد لان كان قدام عيونى

ولا اقصد بالعائله المنزل ولكن العائله بأكملها

انا رديت عليك على فكره تعالى اتعامل مع ظابط شرطه واتعامل مع ظابط جيش وشوف اى فيهم محترم
اقولك على مثل بسيط انا كليتى فى الاسكندريه اركب اى قطار سواء مميز او مكيف وشوف فى المميز اول تلت عربيات وفى المكيف اخر عربيتين هتلاقى المخبرين محتلينهم ووخدنها عافيه والله ودا بشوفه كل اما اروح الكليه وتعرف بيدفعوا كام كل واحد مصف جينيه سواء فى مميز او مكيف اكتر من عشر او عشرين واحد بيدخلوا بتذكره واحده دا بقى بلطجه منهم ولا دا طيبه؟

اخى لا تعاند نفسك اكثر من ذلك فأنت تعلم ان الشرطه تتحكم فى كل ما تحب ووقت ما تحب

اما عن خالد سعيد انا مش معاه ولا ضده انا ضد الاسلوب اللى اتعامل بيه

على كدا بقى انت لو يوم شربت حشيش المخبرين ينزلوا فيك ضرب لحد ما تموت من غير ما تتحول للقضاء ونيجى نقول اصله كان مدمن
لو النظام هيكون كدا يلغوا حاجه اسمها وكيل نيابه وقاضى ومحكمه

وعلى فكره لو كملت موضوعى هتلاقى انى كتبت عن موقف حصل معايا انا كمان وانا فى قلب الشارع ولا بشرب ولا معايا حشيش ولا ببرشم ولا اى حاجه قاعد جمب شغلى جمب المحل اللى بشتغل فيه والاقى واحد يقولى وسع يا ... اقوله طيب متشتمش يقول هاتوا ابن ....... يا سلام لا بجد ونعم الاحترام انا وقتها اتخانقت معاه لان محبش حد يغلط فى اهلى ووقتها كان عايز يلبسنى قضيه حشيش او سلاح لولا طلعت اعرف واحد هناك

يا احساس بس للى بيحصل حواليك كويس وانت هتعرف ان كلامى صحيح امشى مره كدا قدام المركز وانت من غير بطاقه او وانت معاك بطاقه ونادى على اى واحد صاحبك بعيد عنك بصوت عالى وشوف ايه هيحصل ليك وقتها من اى مخبر هناك او عسكر او شويش وهتعرف وقتها انهم واخدنها بلطجه بجد