سوما على كرسى الاعتراف

[3bdel7mid]

سوما على كرسى الاعتراف

طبعا كلنا عارفين ان الكرسى واقف فتره لا بأس بها و علشان نرجع لازم

نختار شخص يليق بالمناسبه ده و مع بحثى المتواصل و الشاق وجد خير

ضيف يبقى معانا النهارده

النهارده يوم بس مش زى اى يوم معانا و معاكوا العضوه المؤثره فى سماء المنتدى

سوما
أو
Soma
طبعا مستنيين الاسئله من جميع الاعضاء و الاحراج مارفوع يا شباب

وأنا هبدأ بأسئله خفيفه كدا

1- عرفى عن نفسك بطريقتك

2- ايه هو شعورك دلوقتى

3-احساسك ايه او ما دخلتى المنتدى

4- كام فتره بتقضيها هنا وسطنا

5- مين اعز اصحابك هنا

6-مين اكتر عضو بتحترميه ولكن لا تعرفيه شخصيا

7- ليه نبره الحزن فى معظم موضيعك

أسئله خفيف فى الاول و بعد كدا نروح على التقيل

المصدر: منتدي الاصدقاء - من قسم: منتدى كرسي الاعتراف

---

s,lh ugn ;vsn hghujvht

[perdu]

منوره ياسوما الكرسى
ليا رجعه بشوية اساله نونو خالص :



ومرسى لحضرتك عالاختيار الجميل

[soma]

طبعا كلنا عارفين ان الكرسى واقف فتره لا بأس بها و علشان نرجع لازم

نختار شخص يليق بالمناسبه ده و مع بحثى المتواصل و الشاق وجد خير

ضيف يبقى معانا النهارده

النهارده يوم بس مش زى اى يوم معانا و معاكوا العضوه المؤثره فى سماء المنتدى

سوما
أو
Soma
بجد متشكرة جدا على زوقك وعلى كل الكلام الجميل اللى قولتة عنى .
طبعا مستنيين الاسئله من جميع الاعضاء و الاحراج مارفوع يا شباب
اهم حاجة محدش يقول سؤال محرج زى ما عبد الحميد بيقول .

وأنا هبدأ بأسئله خفيفه كدا

1- عرفى عن نفسك بطريقتك
اولا انا اسمى سوما زى ما اصحابى بينادونى
فى كلية العلوم جامعة بنها ...الفرقة الرابعة ....قسم الفيزياء
ودخلاة عن اقتناع ونفسى احقق زاتى واجيب امتياز السنة دى كمان علشان اتعين فى هيئة الطاقة الزرية قولوا يارب .

2- ايه هو شعورك دلوقتى
لاول مرة على كرسى الاعتراف بس مش قلقانة يمكن كنت خايفة فى الاول من الاسألة ليكون صعب الرد عليها بس .

3-احساسك ايه او ما دخلتى المنتدى
ببقى عايزة الاقى اى حد منكم موجود علشان لو كتبت حاجة يرد عليا .
4- كام فتره بتقضيها هنا وسطنا
لو لقيت حد موجود بفضل موجودة بردة وارد على الحاجات الجديدة وانزل انا كمان اما لو مش لقيت حد موجود بضطر ارد على التوبيكات الجديدة واخرج لان ما فى حد يتفاعل معايا فى الردود .
5- مين اعز اصحابك هنا
انا مش بعرف حد هنا معرفة شخصية لكن بحترم سلسبيل وعليا وعبد الحميد مش عايزة انسى حد وبجد بستنى ردودهم على اى حاجة جديدة اكتبها .

6-مين اكتر عضو بتحترميه ولكن لا تعرفيه شخصيا
كل الناس هنا اخواتى ويستحقوا جميعا الاحترام .

7- ليه نبره الحزن فى معظم موضيعك
يمكن من احساسى الدائم بالوحدة حتى وانا فى وسط الناس ويمكن لانى اتعرضت لواقف كتير ابكتنى من ناس كنت مفكراهم بيحبونى بس لقيت ان كل ما اهتمامى بيذيد كل ما ظلمهم وجحودهم بيذيد بس بحاول اتخلص من الاحساس دة .

أسئله خفيف فى الاول و بعد كدا نروح على التقيل
​اوك وانا مستنية .

[perdu]

- ليه نبره الحزن فى معظم موضيعك
يمكن من احساسى الدائم بالوحدة حتى وانا فى وسط الناس ويمكن لانى اتعرضت لواقف كتير ابكتنى من ناس كنت مفكراهم بيحبونى بس لقيت ان كل ما اهتمامى بيذيد كل ما ظلمهم وجحودهم بيذيد بس بحاول اتخلص من الاحساس دة .

عجبنى تعليقك ده اوى ياسوما تقريبا شبهى فيه
بتمنالك كل التوفيق ان شاء الله

[3bdel7mid]

ماشى نبدأ نسخن كدا شويه

1- اكتر موقف محرج : بما انك مش عايزه حد يحرجك

أنتى وقلتى " بحترم سلسبيل وعليا وعبد الحميد"
2-اوصفى كل واحد فيهم بكلمه واحده

3- ازاى تحترمى واحد مش عرفاه شخصيا ؟؟ و هل الردود تكفى للتعبير عن الشخصيه ؟؟

4- اوصفيلى توقيعك

5- ايه اللى بيخلى سوما تضحك

ولينا راجعه تااااااااااااااااانى

[soma]

مرسى يا نسمة يكرم احساسك وزوقك
منتظرة اسألتك

[soma]

ربنا يخليكى يا جميل
دا شرف ليا اننا نكون زيى بعض
بس اوعدينى انك تنسى الحزن واللى اسببو فية
وعيشى حياتك زى ما انا بحاول اعمل .

[soma]

ماشى نبدأ نسخن كدا شويه.
اوك ما فى مانع اسأل براحتك .

1- اكتر موقف محرج : بما انك مش عايزه حد يحرجك
كدة يعنى مش هتحرجنى عموما اوك نتكلم مش هكدب عليكم بصراحة
جوز بنت عمى ملتحى كان عندنا فى يوم وخرجت اقدم لة حاجة يشربها وجيب اسلم علية طبعا عارفين الباقى .
دا كان موقف لا احسد علية .

أنتى وقلتى " بحترم سلسبيل وعليا وعبد الحميد"
2-اوصفى كل واحد فيهم بكلمه واحده
اولا علياء حساها عاشت حاجات كتير زيى بتشبهنى بمعنى اصح
سلسبيل بحترمها جدا وبجد لو كان ليا امنية كانت انها تبقى حد من اهلى .
اما حضرتك بقى محترم وروحك مرحة كتير .

3- ازاى تحترمى واحد مش عرفاه شخصيا ؟؟ و هل الردود تكفى للتعبير عن الشخصيه ؟؟
الاحترام بيبان من كلمة صدقنى لان اللى مش بيحترم نفسة ولا بيحترم الناس مش بيهمة انة يزين الكلام علشان يبان حد محترم لانة مش بيبقى باقى على انسان وبجد انا لمست دة فى سلسبيل بردة وانا بردة عند رأيى يمكن بينا كيبورد وزراير بس دا احساسى وانا متأكدة منة .
4- اوصفيلى توقيعك

من ناحية الصورة دى بتصوف حالتى تمام حد بيخاف من الحياة قاعد يتفرج عليها من بعيد وخايف ينزلها ليغرق فيها زى اللى خايف من البحر تمام لانى اتألمت كتير فى حياتى من الناس فقولت ابعد عنهم واقعد اتفرج من بعيد ........اما الكلام اللى مكتوب دا اللى بحاول اعملة علشان مندمش مرة تانية او ابكى واكون انا سبب بكائى وحزنى .

5- ايه اللى بيخلى سوما تضحك
لما بسمع كلمة حلوة من اى حد غالى عندى بحس بفرحة الدنيا كلها .وكمان لما حد يفاجئنى بأى حاجة مكنش متوقعاها .


ربنا يستر من اللى جاى بتاعك دة .

[MR aNa KeDa]

أسئلة جميلة من عبد الحميد ومشاركات متميزة من سوما منورة الكرسي بتعليقاتك ومشاركاتك ، وأنا كلية علوم بردة على فكرة يعني طلعنا زمل منورة يا دفعة
وعندي بقى شوية أسئلة صغيرة بردة كدة لو كان ممكن ؟
1- عرفتي منتدى الأصدقاء إزاي ؟ وإية أكتر حاجة بتحبيها فية ؟
2- بتقضي كام ساعة كل يوم عالنت ؟ وتفتكري حياتك هاتكون إزاي من غير نت أو موبايل ؟
3- رأيك في العلاقة الحالية بين البنات والشباب هل فعلاً هيا حب بجد رغم إنه نادراً دلوقتي إن قصة حب تكمل ودايماً بنسمع عن النهايات كلها جرح وخيانة ودموع ؟
4- مين أول شخص بتروحيلة لما بتبقي مضايقة او زعلانة وبتستريحي لما بتحكيلة ؟
5- علاقتك بوالدتك وأسرتك كويسة ولا تقليدية زي أغلب الإعتبارات الأسرية دلوقتي ؟
6- يا ترى إنتي شخصية قوية ولا هادية ؟ عاطفية ولا عقلانية ؟

وكفاية كدة دلوقتي وإن شاء الله متابع أسئلتك ومشاركاتك وليا عودة إن شاء الله ويا رب ما نكون متقلين عليكي

[soma]

أسئلة جميلة من عبد الحميد ومشاركات متميزة من سوما منورة الكرسي بتعليقاتك ومشاركاتك
وأنا عندي شوية أسئلة صغيرة بردة كدة لو كان ممكن ؟
اكيد طبعا من غير شكك .

1- عرفتي منتدى الأصدقاء إزاي ؟ وإية أكتر حاجة بتحبيها فية ؟
من ناس اصحابى كانوا موجودين علية زمان لكن الفيس بوك شاغلهم دلوقتى طبعا .
بحب لما ادخل علية الاقى ناس موجودة وبتضيف جديد .

2- بتقضي كام ساعة كل يوم عالنت ؟ وتفتكري حياتك هاتكون إزاي من غير نت أو موبايل ؟
عندى فى الكلية ما بنأخد كتب لكن كل شغلنا من على النت بنأخد اسم الكتاب نحملة من على الت ونزاكر على الجهاز يعنى النت عندى ضرورى جدا .زى ما حياة الناس اللى قبلنا كانت ماشية من غير نت ومن غير موبايل وطلع منهم عباقرة ومفكرين اكيد كانت حياتى هتمشى زيهم .وكنت هلاقى وسيلة تانية اقدر بيها اتعلم .

3- رأيك في العلاقة الحالية بين البنات والشباب هل فعلاً هيا حب بجد رغم إنه نادراً دلوقتي إن قصة حب تكمل ودايماً بنسمع عن النهايات كلها جرح وخيانة ودموع ؟
مش بقتنع بالحكاية دى خالص لان فى الاخر نهايتها مش كويسة وبجد الدنيا مش فيها امان يعنى مفيش امان فى الدنيا غير مع الانسان اللى هيقدرنى ويجيلى لحد باب بيتى وساعتها هشيلة فوق راسى .

4- مين أول شخص بتروحيلة لما بتبقي مضايقة او زعلانة وبتستريحي لما بتحكيلة ؟
ابن خالى الكبير بس بجد لو كان ليا اخ عمرى ما كنت هحبة قدة بصراحة لانة يستاهل ويارب يتم لة فرحة على خير لان فرحة بعد 20 يوم وعقبالكم كلكم يارب .

5- علاقتك بوالدتك وأسرتك كويسة ولا تقليدية زي أغلب الإعتبارات الأسرية دلوقتي ؟
لا الحمد لله كلنا بنحب بعض لكن يمكن ظروف كليتى مش بتخلينى اجتمع بيهم كتير .

6- يا ترى إنتي شخصية قوية ولا هادية ؟ عاطفية ولا عقلانية ؟
زمان كنت قوية واللى حوليا ضعفونى اما دلوقتى اعتقد انى بقيت اثوى من الاول بس عمرى ما قلبى قسى على حد فى يوم كان قريب منى لان العشرة مش بتهون .

وكفاية كدة دلوقتي وإن شاء الله متابع أسئلتك ومشاركاتك وليا عودة إن شاء الله ويا رب ما نكون متقلين عليكي

بالعكس اسألتك جميلة جدا وعجبانى انتظر الذيد .